काठमाडौँ । टी–२० विश्वकपमा नेपाली बलरको शानदार प्रदर्शनमा बंगलादेश १ सय ६ रनमा सिमित रहेको छ ।
समूह डीको अन्तिम खेलमा बंगलादेशले १९.३ ओभरमा सबै विकेट गुमाउँदै १ सय ६ रन बनाएको हो । नेपाललाई जितको लागि १ सय ७ रन बनाउनुपर्ने हुन्छ ।
बंगलादेशका लागि शाकिब अल हसनले सर्वाधिक १७ रन बनाए । मोहम्मदुल्लाह र रिसाद होसेनले समान १३ रन बनाउदा जाकेर अलीले १२ रन जोडे । त्यस्तै, ओपनर लिट्टन दासले १० रनको योगदान दिए ।
नेपालको लागि स्पिनर सन्दीप लामिछानेले ४ ओभर बलिङ गर्दै सन्दीपले एक मेडेन राख्दै मात्र १७ रन खर्चिएर २ विकेट लिए ।यससँगै लामिछानेले टी–२० अन्तर्राष्ट्रियमा कीर्तिमानी १ सयौँ विकेट पूरा गरेका छन् ।
सोमपाल कामीले ३ ओभर बलिङ गर्दै १० रन मात्र खर्चिएर२ विकेट लिए । कप्तान रोहित पौडेलले पनि ४ ओभर बलिङ गर्दै २ विकेट हात पारे । दीपेन्द्र सिंह ऐरीले ३.२ ओभर बलिङ गर्दै २२ रन खर्चर २ विकेट लिए ।
