• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   ओली सरकारसँग स्थिरताको आशा ★   हात्तीको आक्रमणबाट कोशीमा १० जनाको मृत्यु, २५ घाइते ★   अर्थतन्त्रलाई चलायमान बनाउन मौद्रिक नीति कठोर हुनुहुँदैन: प्रधानमन्त्री ★   पर्या–पर्यटन प्रवर्द्धन गर्न सोभातालमा डुङ्गा सञ्चालन ★   गृष्मकालिन पेरिस ओलम्पिकमा सहभागी हुने खेलाडीलाई राष्ट्रपतिको शुभकामना ★   तोलामा रु दुई हजारले घट्यो सुनको मूल्य ★   भारतको २०२४–२५ को लागि जीडीपी वृद्धि प्रक्षेपण ७ प्रतिशत ★   सिमलताल दुर्घटना: २३ जनाको शव फेला, नौँ जनाको सनाखत हुन बाँकि (सूचीसहित) ★   काठमाडौंमा किन महंगियो तरकारी? यस्तो छ उपभोक्ताको भनाइ ★   न्यूरोडमा फुटपाथ विस्तारको विरोध गर्दै सडकमा उत्रिए स्थानीय

खेल हेर्नलाई ट्रयाक्टर बेचेका पाकिस्तानी फ्यान भारतको जितपछि खुसी भए



एजेन्सी । टी–२० विश्वकप २०२४ को खेलमा भारतले पाकिस्तानलाई ६ रनले पराजित गरेको थियो । यो खेल निकै रोमाञ्चक रह्यो । यो खेलसँग जोडिएको एउटा रोचक खबर बाहिर आएको थियो ।

पाकिस्तान क्रिकेट टिमका एक फ्यानले खेल हेर्न आफ्नो ट्रयाक्टर बेचेका थिए । तर पाकिस्तानको पराजयले उनलाई निराश बनायो । यसैबीच भारतीय ब्याट्सम्यान सूर्यकुमार यादवकै कारण ‘पैसा वसुल’ भएको उनले प्रतिक्रिया दिएका छन् ।

भारत र अमेरिकाको खेल हेर्न पाकिस्तानी फ्यान पुगेका थिए । खेलपछि उनले भने, ‘मैले ३ हजार डलरको ट्र्याक्टर बेचेर भारत–पाकिस्तान खेल हेर्न आएको हुँ । यसमा हामी पराजित भयौं । म एकदमै निराश भएँ । तर भारतीय जनताले मलाई धेरै साथ दिए । यति धेरै म्यासेज आए । त्यसैले आज हामीले भारतलाई साथ दिनुपर्छ भन्ने लाग्यो । आज सूर्य (सूर्यकुमार यादव) ले मेरो मन जिते। खुब मज्जा आयो । भारतले ट्रयाक्टरको रकम फिर्ता गरेको छ ।’

भारतले पाकिस्तानलाई ६ रनले पराजित गरेको थियो । यसपछि भारतले अमेरिकालाई ७ विकेटले पराजित गर्यो । यस खेलमा अमेरिकाले पहिले ब्याटिङ गर्दै ११० रन बनाएको थियो । जवाफमा भारतले १८.२ ओभरमा लक्ष्य पूरा गर्‍यो । यस क्रममा सूर्यले ४९ बलमा अविजित ५० रन बनाए । सूर्यको यो इनिङ्समा २ चौका र २ छक्का समावेश थियो । शिवम दुबेले अविजित ३१ रन बनाए ।

यो पनिः ट्र्याक्टर बेचेर खेलको टिकट किनेका थिए पाकिस्तानी फ्यानले, हारपछि लाखौं पैसा बर्बाद