विराटनगर । मोरङको सुन्दरहरैँचा— ६ मा भाले हात्ती मृत अवस्थामा फेला परेको छ ।
बुधबार बिहान स्थानीय भत्तmबहादुर लिम्बूले लगाएको केरा खेतीभित्र अन्दाजी ८/९ वर्षको हात्ती मृत अवस्थामा फेला परेको जिल्ला वन अधिकृत विष्णुलाल घिमिरेले जानकारी दिनुभयो ।
हात्ती कसरी केरा बगानभित्र पुग्यो र मृत्यु भयो भन्ने यकिन हुन बाँकी रहेको अधिकृत घिमिरेले बताए । हात्ती मृत्यु बारे कोशी टप्पु वन्यजन्तु आरक्षको टोलीले अनुसन्धान गरिरहेको उनले बताए ।
