• १० असार २०८१, सोमबार
  •      Mon Jun 24 2024
  •   Unicode
Logo

प्रतिश जिसी रिजर्भमा परेपछि आमा प्रतिभाको प्रतिक्रिया– समाचार सुनेपछि मन भारी भयो



काठमाडौँ । युवा फास्ट बलर प्रतिश जिसीकी आमा प्रतिभा जिसीले आफ्नो छोरालाई ‘ट्राभलिङ रिजर्भ’मा राख्ने क्यानको निर्णयमाथि प्रश्न उठाएकी छन् ।

सामाजिक सञ्जालमा आफ्नो भावना पोख्दै प्रतिभाले एक्कासि छोराबारे गरिएको निर्णय सुन्दा मन भारी भएको बताईन् ।

जारी टी–२० विश्वकपमा नेपालको स्क्वाडमा स्पीनर सन्दीप लामिछाने टीममा जोडिएसँगै जिसीलाई ट्राभलिङ रिजर्भमा राखिएको छ । सन्दीपको आगमनसँगै टीममा रहेका लेफ्टआर्म मिडियम फास्ट बलर प्रतिशलाई प्रतिस्थापन गरिएको हो । यसबारे बोल्दै प्रतिभाले स्पिनर बलरको सब्सिच्युट लेफ्ट आम मिडियम फास्ट बलर कसरी हुन्छ ? भनेर प्रश्न गरेकी छिन् ।

सन्दीपलाई समेटिएको प्रति भने उनले खुसी व्यक्त गरेकी छन् । ‘सन्दीपको टिममा पुनरागमन हुँदा एकदमै खुसी छु’, उनले लेखेकी छन्, ‘नेपाल क्रिकेट टिम एउटा परिवार हो, यहाँ दाइ र भाइ जो खेले पनि देशकै लागि खेल्ने हो ।’