एजेन्सी । जारी टी–२० विश्वकपमा आज पाकिस्तान र क्यानडा खेल्दैछन् ।
न्युयोर्कको नासाउ काउन्टी इन्टरनेशनल स्टेडियममा हुनलागेको खेल नेपाली समयअनुसार बेलुकाको ८:१५ बजेबाट सुरु हुनेछ ।
पाकिस्तानले समूह चरणका सुरुवाती दुवै खेल अमेरिका र भारतसँग हारेको छ । पाकिस्तानलाई सुपर–८ मा पुग्ने सम्भावना कायम गर्न आजको खेल जित्नैपर्ने दबाव छ । नासाउ काउन्टी मैदानमा आइतबार पाकिस्तान भारतसँग ६ रनले पराजित भएको थियो ।
समूह चरणका दुवै खेलमा हार बेहोरेको पाकिस्तान अंकबिहिन छ । आजको खेल हारे या बर्षाको कारण रद्द भए पाकिस्तान समुह चरणबाट नै बाहिरिनेछ । क्यानडा–पाकिस्तान खेलमा वर्षा भयो भने दुवै टोलीलाई १–१ अंक दिइनेछ । यो एक अंक र बाँकि रहेको एक खेल जित्दा पाकिस्तानको जम्मा ३ अंक हुनेछ । जुन सुपर–८को लागि पर्याप्त हुनेछैन ।
समूह- ए मा भारत र अमेरिका समान दुई खेल जितेर चार अंकसहित तालिकाको पहिलो र दोस्रो स्थानमा छन् । एक खेल जितेको क्यानडा दुई अंकसहित तेस्रो स्थानमा छ ।
पाकिस्तानको सम्भावित प्लेइङ ११:
मोहम्मद रिजवान, साइम अयुब, बाबर आजम, फखर जमान, शादाब खान, इफ्तिखार अहमद, इमाद वासिम/आजम खान, शाहीन अफ्रिदी, नसीम शाह, हरिस रउफ, मोहम्मद आमिर।
क्यानडा को सम्भावित प्लेइङ ११:
आरोन जोन्सन, नवनीत धालीवाल, परगट सिंह, दिलप्रीत बाजवा, निकोलस किर्टन, श्रेयस मोव्वा, डिलन हेलिङ्गर, साद बिन जाफर, जुनै सिद्दिकी, कलिम साना, जेरेमी गोर्डन।
