पोखरा । गण्डकी प्रदेशका मुख्यमन्त्री सुरेन्द्रराज पाण्डेलाई नेकपा माओवादी केन्द्रले विश्वासको मत नदिने भएको छ ।
जारी प्रदेश सभा बैठकमा बोल्दै दलका नेता हरिबहादुर चुमानले समर्थन नगर्ने घोषणा गरेका हुन् ।
‘सङ्घीयता कार्यान्वयन गर्न माओवादी प्रतिबद्ध छ,’ उनले भने, ‘हामीले विश्वासको मत नदिने निर्णय गरेका छौँ । संसदमा सबैले विपक्षमा मतदान गर्छौं । हाम्रा सबै सदस्यलाई लागू हुन्छ ।’
यस्तै, नेकपा एमालेले पनि मुख्यमन्त्री पाण्डेलाई विश्वासको मत नदिने भएको छ । दलका नेता खगराज अधिकारीले विश्वासको मत नदिने जनाएका हुन् ।
