• ६ श्रावण २०८१, आईतवार
  •      Sun Jul 21 2024
  •   Unicode
Logo

सुनको मूल्यले फेरि बनायो नयाँ रेकर्ड, तोलामा कति पुग्यो?



काठमाडौँ । नेपाली सुनचाँदी बजारमा सुनको मूल्यले आज बिहीबार पुन: नयाँ रेकर्ड बनाएको छ ।

मंगलबार मात्रै नयाँ रेकर्ड बनाएको सुनको मूल्य आज फेरी हालसम्मकै उच्च विन्दुमा पुगेको हो ।

आज छापावाल सुन प्रतितोला एक हजार आठ सय रूपैयाँले बढ्दै एक लाख ४४ हजार रूपैयाँ पुगेको छ । पछिल्लो रेकर्डमा सुन प्रतितोला एक लाख ४२ हजार सात सय रूपैयाँमा कारोबार भएको थियो ।

यस्तै, आज तेजाबी सुन प्रतितोला एक लाख ४३ हजार तीन सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी, बिहीबार चाँदीको मूल्य पनि बढेको छ । आज चाँदी प्रतितोला २५ रूपैयाँ बढेर १८ सय ५० रूपैयाँमा कारोबार भईरहेको महासंघले जनाएको छ ।