काभ्रे । बनेपामा दुई यातायात सेवाका कर्मचारीहरुबीच झडप भएको छ ।
अरनिको यातायात सेवा प्रालिका कर्मचारीहरुले मूल सडकमै बस तेर्स्याएर चक्काजाम गरेपछि विवाद भएको थियो । सोहिक्रममा हिमाल–तराई यातायात सेवा प्रालि र अरनिको यातायातका कर्मचारीहरुबीच कुटाकुट भएको हो ।
अरनिको यातायातको सिन्डिकेट भएको भन्दै हिमाल–तराई लगायतका यातायात व्यवसायीले विरोध गर्दै आएका छन् । सोही विषयमा हिजो ओखलढुंगा र काठमाडौंमा विवाद समेत भएको थियो । यहि कुरामा अरनिको यातायातले बीच बाटोमै बस तेर्स्याएर चक्काजाम गरेको थियो ।
बीच बाटोमै बस तेर्स्याएर चक्काजाम गरेपछि यातायात खुलाउन ट्राफिक प्रहरी पुगेका थिए । प्रहरीकै सामुन्ने उनीहरुबीच कुटाकुट भएको थियो ।
अहिले अवस्था सामान्य रहेको जिल्ला प्रहरी कार्यालय काभ्रेका प्रहरी निरीक्षक राजाराम खतिवडाले जानकारी दिए ।
