काठमाडौँ । नेपाली सुनचाँदी बजारमा आज साता कारोबारको अन्तिम दिन अर्थात शुक्रबार सुनको मूल्यले नयाँ रेकर्ड बनाएको छ । हाज सुनको मूल्य प्रतितोला १ हजार ७ सय रुपैयाँले बढ्दै नयाँ रेकर्ड बनाएको हो ।
आज छापावाल सुन प्रतितोला १ लाख ४२ हजार २ सय रुपैयाँमा कारोबार भईरहेको छ । जुन हालसम्म कै उच्च रेकर्ड हो । बिहिबार उक्त सुन प्रतितोला १ लाख ४० हजार ५ सय रुपैयाँमा कारोबार भएको थियो ।
यस्तै आज तेजाबी सुन प्रतितोला १ लाख ४१ हजार ५ सय रुपैयाँमा कारोबार भइरहेको छ । बिहिबार तेजाबी सुन प्रतितोला एक लाख ३९ हजार आठ सय रुपैयाँमा कारोबार भएको थियो ।
त्यसैगरी, आज चाँदीको मूल्य भने घटेको छ । आज चाँदी तोलामा २५ रुपैयाँले घट्दै १ हजार ८ सय ७५ रुपैयाँमा कारोबार भइरहेको महासंघले जनाएको छ ।
