सरकारले संसद अन्त्य गर्न खोजेपछि गृहमन्त्रीको नामबिनै समिति गठन गर्न तयार भयौँ: गगन थापा

काठमाडौं । नेपाली कांग्रेसका महामन्त्री गगन थापाले सहकारी ठगी प्रकरणमा गृहमन्त्री रवि लामिछानेको नाम संसदीय छानबिन विशेष समितिमा किन नराखिएको भन्नेबारे स्पष्ट पारेका छन् ।

बिहीबार एक भिडिओ सार्वजनिक गर्दै थापाले सत्तापक्षले केही दिन पेल्ने र संसद बन्द गर्ने तयारी गरेपछि आफूहरू गृहमन्त्रीको नाम नलेखि समिति बनाउन तयार भएको बताए ।

‘कांग्रेसले संसदीय समितिमा गृहमन्त्रीको नाम नलेखि नछोड्ने भएपछि संसद पेलेर चलाउने, केही दिनपछि बन्द गरिदिने तयारी सत्तापक्षको थियो’ थापाले भिडियोमा भनेका छन्, ‘त्यसपछि छ महिनापछि मात्रै संसद बोलाए पनि हुने र संसदीय समिति नबनाउने रणनीति थाहा पाएरै हामीले संसदीय समितिमै जोड गर्‍यौं ।’

सहकारी ठगी प्रकरणमा गृहमन्त्री संलग्न छन् भनेर आफूहरूले उठाएको विषयमा छानबिन हुने निश्चित भएको बताए । जुन उद्देश्यले कांग्रेसले विषय उठाएको हो त्यही बमोजिम समिति बनेको जिकिर गरे ।

कांग्रेसले संसदमा र सडकमा उठाउँदै आएका मागहरू सम्बोधन हुने बताए । उनले गोरखा मिडियाको अनुसन्धान गरेपछि रवि लामिछाने र जीवी राईको संलग्नता प्रष्ट हुने बताए।

उनले समितिलाई निर्बाध रूपमा काम गर्न दिएर ठगी गर्नेमाथि कारबाही र बचतकर्ताको बचत फिर्ता गर्ने सुनिश्चितता हुनुपर्ने बताए।

https://www.facebook.com/watch/?ref=embed_video&v=967405058722315