एजेन्सी । रिलायन्स इन्डस्ट्रिज लिमिटेडका अध्यक्ष मुकेश अम्बानीका कान्छा छोरा अनन्त अम्बानी र उद्योगपति विरेन मर्चेन्टकी छोरी राधिका मर्चेन्टको विवाह छिट्टै हुन लागेको छ । अहिले यो जोडी इटालीको क्रुजमा प्रि-वेडिङ सेरोमनीमा व्यस्त छन् । अनन्त-राधिकाको पहिलो प्रि(वेडिङ समारोह मार्चमा गुजरातको जमानगरमा आयोजना गरिएको थियो।
अनन्त(राधिकाको क्रुज पार्टीमा सहभागी हुन शाहरुख खानदेखि सलमान खानसम्म सबै बलिउड स्टारहरु इटाली पुगेका छन् । धेरै विदेशी सेलिब्रेटीहरू पनि यो उत्सवको हिस्सा बनिरहेका छन्। यसैबीच अनन्त–राधिकाको विवाहको निमन्त्रणा कार्ड पनि बाहिरिएको छ ।
अनन्त अम्बानी र राधिका मर्चेन्टको भव्य विवाह मुम्बईको जियो वर्ल्ड कन्भेन्सन सेन्टरमा आयोजना हुनेछ । यो जोडी जुलाई १२ मा विवाह बन्धनमा बाँधिदैछन् । विवाहको कार्ड परम्परागत रातो र सुनौलो रंगको छ। जोडीको विवाह समारोहको विवरण पनि कार्डमा दिइएको छ।
तीन दिनसम्म चल्ने उक्त समारोहको पहिलो अर्थात शुभ विवाह समारोह जुलाई १२ तारिखमा हुनेछ । अतिथिहरूलाई ड्रेस कोड भारतीय परम्परागत अनुसारको लगाउन भनिएको छ ।
जुलाई १३ मा शुभ आशीर्वादको दिन हुनेछ र ड्रेस कोड भारतीय औपचारिकभनिएको छ। १४ जुलाईमा मंगल उत्सव वा विवाह रिसेप्शन हुनेछ र ड्रेस कोड ‘भारतीय चिक’ हुनेछ।
