काठमाडौं । आईसीसी क्रिकेट विश्वकप लिग टुमा एकदिवसीय सिरिज अन्तर्गत नेपाल र पपुवा न्युगिनी(पीएनजी)बीचको खेल जारी छ ।
यूएईको सारजाहमा पीएनजीविरुद्ध नेपालले बलिङ गरिरहेको छ ।
नेपालका लागि कप्तान सन्दीप लामिछानेले नेपाललाई दोस्रो विकेट दिलाएका छन् । सन्दीपले लेगा सियकालाई २५ रनमा बोल्ड गरे । यसअघि नेपालका आरिफ शेखले पीएनजीका टोनी उरालाई २७ रनमा आउट गर्दै पहिलो विकेट दिलाएका थिए ।
सारजाहमा जारी खेलमा यो समाचार तयार पार्दासम्म पीएनजीले २३.५ ओभरमा २ विकेटको क्षतिमा ८९ रन जोडेको छ ।
नेपालले करिब ६ महिनापछि एकदिवसीय अन्तराष्ट्रिय खेल खेल्न लागेको हो । लिग टु मा नेपाल ८ खेलमा ८ अंक सहित छैटौं स्थानमा रहेको छ । अंक विहीन पीएनजी १३ खेल खेल्दै पुछारमा रहेको छ । लिग टु अन्तर्गत ७ टिमको सहभागिता रहेको छ ।
