दमक । झापाको दमकस्थित भुटानी शरणार्थी शिविरमा आगलागी भएको छ । आगलागीमा परि एकको मृत्यु समेत भएको छ । मृत्यु हुनेमा दमक–३ का ६० वर्षीय देशमान राई रहेको जिल्ला प्रहरी कार्यालय झापाले जनाएको हो । जिप्रका झापाका अनुसार आगलागीबाट तीन लाख बराबरको सुनचाँदी, आठ लाख बराबरको खाद्यान्न र लत्ताकपडा जलेर नष्ट भएको छ । आगलागीको कारण अझै खुलेको छैन ।
मृतक राई प्यारालाइसिसका बिरामी थिए । उनी बाँसले बारेको एक तले घरमा सुतिरहेका थिए । उनको घरमा सोमबार बेलुका करिब साढे ७ बजे एक्कासी आगलागी भएको थियो ।
दमक नगरपालिकाको दमकलको सहयोगमा सशस्त्र प्रहरी, नेपाल प्रहरी र स्थानीयवासी मिलेर आगो निभाएका थिए ।
