काठमाडौँ । युरोपा लिगको उपाधि इटालीयन क्लब एटलान्टाले जितेको छ ।
गएराति आयरल्याण्डको डुब्लीनमा भएको फाइनल खेलमा जर्मन क्लब लेभरकुसेनलाई ३–० गोलले पराजित गर्दै एटलान्टाले उपाधि जितेको हो ।
एटलान्टालाई जित दिलाउन तीनै गोल एडेमोला लुकम्यानले गरे । उनले खेलको १२, २६ औं र ७५ औं मिनेटमा गोल गरेका हुन् ।
एटलान्टाको यो पहिलो युरोपियन उपाधि हो । यता, ५१ खेलमा अपराजित रहेको लेभरकुसेनको अपराजित यात्रामा ब्रेक लागेको छ ।
