• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

कोहलीमाथि खतरा ? आरसीबीको अभ्यास रद्द



एजेन्सी । आईपीएल २०२४ को एलिमिनेटर खेल बुधबार राजस्थान रोयल्स र रोयल च्यालेन्जर्स बैंगलोरबीच अहमदाबादमा हुँदैछ । आरसीबीले यो खेलअघि अभ्यास रद्द गरेको छ ।

एक रिपोर्टका अनुसार विराट कोहली खतरामा छन् । जसका कारण उनको सुरक्षालाई ध्यानमा राख्दै अभ्याससँगै पत्रकार सम्मेलन पनि रद्द गरिएको हो । यद्यपी यस सम्बन्धमा अहिलेसम्म आधिकारिक जानकारी आएको छैन ।

बुधबार साँझ राजस्थान र बैंगलोरबीचको खेल हुँदैछ । यो खेलअघि आरसीबीले अभ्यास सत्र रद्द गरेको थियो । यससँगै दुवै टोलीले पत्रकार सम्मेलन पनि रद्द गरेका छन् ।

मिडिया रिपोर्टका अनुसार गुजरात प्रहरीले ४ जनालाई पक्राउ गरेको छ । उनीहरु आतंकवादी भएको प्रहरीले आशंका गरेको छ । कोहलीमाथि खतराको छाया परेको छ । कोहलीको सुरक्षालाई ध्यानमा राख्दै अभ्यास रद्द गरिएको हो ।

आईपीएलमा हालको फर्मको कुरा गर्दा राजस्थान र बैंगलोर एकअर्काका पूर्ण विपरित छन् । आरसीबीले अन्तिम ६ खेल जितेको छ भने राजस्थानले अन्तिम ६ खेलमध्ये एउटा मात्र जितेको छ। चार खेलमा हार बेहोरेको थियो भने एक खेल अनिर्णित रह्यो ।

यी दुईबीच हालसम्म ३१ खेल भइसकेका छन् । जसमध्ये बैंगलोरले १५ र आरआरले १३ खेल जितेको छ । तीन खेलमा नतिजा आउन सकेन । अहमदाबादको नरेन्द्र मोदी स्टेडियममा पनि दुवै टोली दुई पटक भिडेका छन् । एक खेल राजस्थान र एक खेल बैंगलोरले जितेको छ ।

सन् २०२० देखि बैंगलोरको टोली राजस्थानमाथि दबदबा कायम राख्दै आएको छ । यस अवधिमा आरसीबीले सात खेल जितेको छ भने आरआरले तीन खेल जितेको छ । नकआउट राउण्डमा दुवै टोलीको कीर्तिमानको कुरा गर्दा आरसीबीले ६ खेलमा जित र ९ हार बेहोरेको छ भने राजस्थानले नकआउट चरणमा चार खेल जितेको छ भने पाँचमा हार बेहोरेको छ ।