काठमाडौंः कोरोनाभाइरसको महामारीबाट समग्र अर्थतन्त्र नै संकटबाट गुज्रिरहेको अवस्थामा पनि नेपाली बैंकहरुले शेयरधनीहरुलाई १३ प्रतिशतको हाराहारीमा लाभांश वितरण गरेका छन् । तर अघिल्लो वर्षको तुलनामा यो झण्डै ६ प्रतिशतले कमी हो ।
गत आर्थिक वर्ष २०७५।७६ मा १९ प्रतिशतको हाराहारीमा लाभांश वितरण गरेका बैंकहरुले २०७६।७७ को कमाईबाट १३ प्रतिशतको अनुपातमा लाभांश वितरण गरेका हुन् । बैंकहरुले यस पटक बढी बोनस सेयर र थोरै नगद दिएका छन् ।
नेपाल स्टक एक्सचेन्जमा हाल २६ वटा वाणिज्य बैंकहरु सूचीकृत छन् ।
राष्ट्र बैंकले चालु आर्थिक वर्षको मौद्रिक नीतिमा कूल चुक्ता पूँजीको ५ प्रतिशतभन्दा कम खुद वितरणयोग्य मुनाफा भएका बैंक तथा वित्तीय संस्थाको नगद लाभांश वितरणमा रोक लगाएको छ ।
चालु आर्थिक वर्षमा बैंकहरुले औसतमा १३.९६ प्रतिशत लाभांश वितरण गरेकामा औसतमा ११.२२ प्रतिशत बोनस सेयर रहेको छ । नगद लाभांश २.७५ प्रतिशत मात्रै छ । यसमा पनि धेरै बैंकहरुले बोनस सेयरको कर तिर्न मात्रै नगद दिएको पाइएको छ ।
नाफा घटेका कारण पनि बैंकहरुले यस वर्ष कर तिर्न केही नगद बाँडे पनि धेरै नगद लाभांश दिएका छैनन् । तुलनात्मक रुपमा राम्रो नगद र बोनस सेयर दिने एभरेस्ट बैंक र नेपाल इन्भेस्टमेन्ट बैंकले पनि सेयरधनीलाई ५ प्रतिशतभन्दा बढी नगद लाभांश दिएका छैनन् ।
यस वर्ष बैंकहरुले प्रदान गरेको बोनस स्थिति
