जनकपुरधाम । मधेश प्रदेश सरकारबाट नेकपा एमाले र नेकपा माओवादी केन्द्र बाहिरिने भएका छन् । मुख्यमन्त्री सरोजकुमार यादवको सरकारबाट आइतबार नै बाहिरिने तयारी भईरहेको एक नेताले बताए ।
जनता समाजवादी पार्टी नेपालका संसदीय दलका नेता यादव नेतृत्वको मन्त्रिपरिषदमा नेकपा एमाले, नेकपा माओवादी केन्द्र र एकीकृत समाजवादी छन् । १०७ सदस्यीय मधेश प्रदेशसभामा एमालेका २३, माओवादीका ९, लोसपाका ८, जनमतका १३, एकीकृत समाजवादीका ७ जना सांसद छन् ।
जनता समाजवादी पार्टी नेपाल विभाजित भई अशोक राई नेतृत्वमा जनता समाजवादी पार्टी (जसपा) गठन भएको छ ।
