काठमाडौं । काठमाडौं उपत्यकामा एक दम्पती घरभित्रै मृत भेटिएका छन्। सोमबार राजविराज घर भई ललितपुरको महालक्ष्मी नगरपालिका-७, चाँगाथलीमा डेरा गरी बस्ने एक दम्पती घरभित्रै मृत भेटिएका हुन् ।
महानगरीय प्रहरी परिसर ललितपुरकी प्रमुख (एसएसपी) किरण बज्राचार्यका अनुसार ३२ वर्षीय सागर पोखरेल र उनकी श्रीमती निर्मला पोखरेल मृत भेटिएका हुन्। दम्पती मृत भेटिदाँ अहिले घटनाका सम्बन्धमा अनुसन्धान भइरहेको बज्राचार्यले बताइन्।
मृतक दम्पतीको कोठाभित्र स्लफर नामको विषादीको बट्टा भेटिएको प्रहरीले जनाएको छ । विषादीको बट्टा फेला परेका कारण आत्महत्या गरेका हुनसक्ने भन्दै अनुसन्धान सोही दिशामा केन्द्रित रहेको प्रहरीले जनाएको छ ।
