एजेन्सी । इन्डियन प्रिमियर लिग (आईपीएल) २०२४ को ५६ औं खेलमा आज दिल्ली क्यापिटल्सले राजस्थान रोयल्सको सामना गर्दैछ ।
खेल साँझ ७ः४५ बजेदेखि दिल्लीको घरेलु मैदान अरुण जेटली स्टेडियममा हुनेछ । यो सिजन दुई टोलीबीचको दोस्रो खेल हुनेछ । पछिल्लो खेलमा राजस्थान १२ रनले विजयी भएको थियो ।
आज यो सिजन आरआरको ११ औं खेल हुनेछ । टोली १० मध्ये ८ जित र २ हारमा १६ अंकसहित अंक तालिकाको दोस्रो स्थानमा छ । अर्कोतर्फ, दिल्लीले सिजनमा १२ औं खेल खेल्नेछ । ११ मध्ये ५ जित र ६ पराजयपछि १० अंकसहित दिल्ली छैटौं स्थानमा छ ।
आईपीएलमा हालसम्म राजस्थान र दिल्लीबीच २८ खेल भएका छन् । दिल्लीले १३ र राजस्थानले १५ मा जित हासिल गरेको छ । दिल्लीको घरेलु मैदान अरुण जेटली स्टेडियममा यी दुई टोलीबीच अहिलेसम्म ८ वटा खेल भइसकेका छन् ।
डीसीले ५ र आरआरले ३ खेल जितेको छ । दुवै टोलीले पछिल्लो पटक २०१९ मा यहाँ भेटेका थिए । त्यसमा दिल्लीले जितेको थियो । राजस्थानले पछिल्लो पटक २०१५ मा यहाँ खेल जितेको थियो । त्यसपछि दुई खेल खेले र दुवै खेल दिल्लीले जित्यो ।
दिल्लीमा ऋषभ पन्तका अलावा ट्रिस्टन स्टब्स र ज्याक फ्रेजर–मगार्च पनि फर्ममा छन् । तीनै जनाले २५० भन्दा बढी रन बनाएका छन् । पन्त ३९८ रन बनाएर टिमका सर्वाधिक स्कोरर बनेका छन् । बलिङमा मुकेश कुमार १३ विकेटसहित शीर्ष स्थानमा छन् ।
राजस्थानका तर्फबाट चौथो नम्बरमा ब्याटिङ गरेका रियान पराग सर्वाधिक स्कोरर हुन् । उनले १० खेलमा ४०९ रन बनाएका छन् । जसमा ४ अर्धशतक समावेश छ । टिमका लागि स्पिनर युजभेन्द्र चहलले सर्वाधिक १३ विकेट लिएका छन् ।
