पोखरा । गण्डकी प्रदेशका मुख्यमन्त्री खगराज अधिकारीले विश्वासको मत पाएका छन् ।
मुख्यमन्त्री अधिकारीले प्रदेशसभामा पेस गरेको विश्वासको मतसम्बन्धी प्रस्तावमा ३० सांसदको समर्थन रह्यो । त्यसपछि सभामुख कृष्णप्रसाद धितालले मत अधिकार भएको भन्दै प्रस्तावको पक्षमा मत हाल्दै मुख्यमन्त्री अधिकारीले विस्वासको मत पाएको घोषणा गरे ।
प्रस्तावको विपक्षमा नेपाली कांग्रेसका २७ सांसदले मत हाले । राप्रपाका दुई सांसद तटस्थ रहे । गण्डकी प्रदेशसभामा ६० जना सांसद छन् ।
