इन्डियन प्रिमियर लिग (आईपीएल) २०२४ मा आज डबल हेडर खेलिनेछ। आजको पहिलो खेल पञ्जाब किंग्स र चेन्नई सुपर किंग्सबीच हुनेछ । हिमाचल प्रदेश क्रिकेट एसोसिएसन स्टेडियम, धर्मशालामा हुनलागेको खेल नेपाली समयअनुसार दिउँसोको ३:४५ बजेबाट सुरु हुनेछ ।
यस्तै, दोस्रो खेलमा लखनउ सुपरजाइन्ट्स (एलएसजी) ले कोलकाता नाइट राइडर्स (केकेआर)सँग खेल्नेछ । भारत रत्न श्री अटल बिहारी वाजपेयी (इकाना) स्टेडियम, लखनउमा हुन लागेको खेल बेलुकाको ७:४५ बजेबाट सुरु हुनेछ।
पञ्जाब र चेन्नई यो सिजन दोस्रो पटक आमनेसामने हुँदैछन् । अन्तिम खेलमा पञ्जाब ७ विकेटले विजयी भएको थियो । दुवै टीम आज सिजनको ११ औं खेल खेल्दैछन् । चेन्नई १० मध्ये ५ जित निकालेर १० अंकसहित तालिकाको पाँचौं स्थानमा छ भने पञ्जाब १० मध्ये ४ जितेर ८ अंकसहित सातौं स्थानमा छ।
यस्तै, लखनऊ–कोलकाता पनि यस सिजनमा आज दोस्रो पटक आमनेसामने हुँदैछन् । पछिल्लो खेलमा कोलकाता ८ विकेटले विजयी भएको थियो । यो दुवै टोलीको ११औँ खेल हुनेछ । अन्तिम १० मध्ये ६ जित निकाल्दै १२ अंकसहित एलएसजी तालिकाको तेस्रो स्थानमा छ । जबकि केकेआर १० मध्ये ७ जित निकालेर १४ अंकसहित दोस्रो स्थानमा छ ।
