काठमाडौँ । इंग्लिस प्रिमियर लिग फुटबलमा उपाधि होडमा रहेको म्यान्चेस्टर सिटीले सानदार जित निकालेको छ ।
गएराति भएको खेलमा सिटीले वल्भ्सलाई ५–१ गोलले पराजित गरेको हो । घरेलु मैदान इतिहाडमा सिटीलाई फराकिलो जित दिलाउन एर्लिङ हालाण्डले चार तथा युलियन अल्भारेजले एक गोल गरे । वल्भ्सका हि चानले एक गोल फर्काए ।
हालाण्डले खेलको १२ औं मिनेटमा पेनाल्टीमार्फत गोल गर्दै सिटीलाई सुरुवाती अग्रता दिलाएका थिए । त्यसपछि उनले ३५, ४५.३ (पेनाल्टी) र ५४ औं मिनेटमा गोल गरे । अल्भारेजले ८५ औं मिनेटमा गोल गरेका थिए ।
जितसँगै सिटीले शीर्षस्थानको आर्सनलसँग अंकदुरी घटाएको छ । आर्सनलको ३६ खेलबाट ८३ अंक छ । एक खेल कम खेलेको सिटीको ८२ अंक छ । वल्भ्स ३६ खेलबाट ४६ अंकका साथ ११ औं स्थानमा छ ।
