काठमाडौँ । एक खेल आगवै वेस्ट इन्डिजले पाँच खेलको टी–२० सिरिज जितेको छ ।
बिहिबार भएको खेलमा नेपाल २८ रनले पराजित भएसँगै वेस्ट इन्डिजले खेल पोल्टामा पारेको हो । वेस्ट इन्डिजले ३–१ को अग्रतामा सिरिज जितेको हो ।
जितको लागि २१० रनको विशाल लक्ष्य पछ्याएको नेपालले २० ओभरमा सबै विकेट गुमाएर जम्मा १८१ रन बनायो । नेपालको लागि कप्तान रोेहित पौडेलले सर्वाधिक रन बनाए । रोहितले ४७ बलमा ७ चौका र ५ छक्का प्रहार गर्दै ८२ रन बनाए । रोहित बाहेक अन्य कुनैपनि ब्याट्सम्यानले राम्रो खेल्न सकेनन् ।
ओपनर आरिफ शेख इनिङको दोस्रो बलमै शुन्य रनमा बोल्ड आउट भए । यस्तै, अर्का ओपनर कुशल भुर्तेल पाचौ ओभरको पाचौ बलमा १ रन बनाएर आउट घए । चौथो नम्बरमा आएका कुशल मल्ल पनि एक चौका प्रहार गर्दै पेभेलियन फर्किए ।
पाचौँ नम्बरमा आएका सन्दिप जोर १४ बलमा १९ रन बनाएर आउट भए । यस्तै दीपेन्द्र सिंह ऐरी १४ बलमा १९ रन बनाएर आउट हुदा गुलशन झाले १९ रन सोमपाल कामीले १० रन बनाए ।
वेस्ट इन्डिज ‘ए’ का लागि म्याथ्यु फोर्ड र हेडन वाल्शले समान ३/३ विकेट लिए । फेबियन अलें र गुडकेश मोतीले २/२ विकेट लिए ।
त्यसअघि टियू मैदानमा टस जितेर ब्याटिङ थालेको वेस्ट इन्डिज ए ले २० ओभरमा ३ विकेटको क्षतिमा २०९ रन बनाएको थियो।
उसका लागि आन्द्रे फ्लेचरले ८४ रनको योगदान दिए । ५४ बल खेल्दै ८४ रनमा अविजित रहेका उनले ९ चौका र ४ छक्का हिर्काए । यस्तै, जोनसन चाल्र्सले ३० बलमा ५८ रन जोडे । फाबियन एलेन १९ बलमा ३३ रनसहित अविजित रहे ।
बलिङतर्फ नेपालका कुशल भुर्तेलले ४ ओभरमा २३ रन खर्चेर २ विकेट लिए । यस्तै, प्रतिश जिसिले ४ ओभरमा ४३ रन खर्चेर १ विकेट लिए ।
नेपालले शनिबार भएको पहिलो खेलमा ४ विकेटको जित निकालेको थियो । दोस्रो खेलमा वेस्ट इन्डिज ‘ए’ ले १० रनको जितेको थियो भने हिजो भएको तेस्रो खेलमा पाहुना टोली ७६ रनले विजयी भएको थियो । सिरिजको अन्तिम खेल शनिवार हुनेछ ।
