काठमाडौँ । पाँच खेलको टी–२० सिरिज अन्तर्गत चौंथो खेलमा वेस्ट इन्डिज ‘ए’ले नेपाललाई २१० रनको लक्ष्य दिएको छ ।
टस जितेर ब्याटिङ थालेको वेस्ट इन्डिज ए ले २० ओभरमा ३ विकेटको क्षतिमा २०९ रन जोडेको हो ।
उसका लागि आन्द्रे फ्लेचरले ८४ रनको योगदान दिए । ५४ बल खेल्दै ८४ रनमा अविजित रहेका उनले ९ चौका र ४ छक्का हिर्काए । यस्तै, जोनसन चाल्र्सले ३० बलमा ५८ रन जोडे ।
फाबियन एलेन १९ बलमा ३३ रनसहित अविजित रहे । बलिङतर्फ नेपालका कुशल भुर्तेलले ४ ओभरमा २३ रन खर्चेर २ विकेट लिए । यस्तै, प्रतिश जिसिले ४ ओभरमा ४३ रन खर्चेर १ विकेट लिए ।
वेस्ट इन्डिज ए ले २५ रन त अतिरिक्त नै पायो । नेपाली बलर महँगो सावित भए ।
