• १० जेष्ठ २०८१, बिहीबार
  •      Thu May 23 2024
  •   Unicode
Logo
Latest
★   बुद्ध धर्मको भ्रातृत्वको भावनालाई आत्मसात् गर्दै एकजुट हुन आवश्यक : उपराष्ट्रपति ★   शान्तिका अग्रदूत गौतमबुद्धको त्याग, विचार र अभ्यास अनुकरणीय : प्रधानमन्त्री ★   उभौली आपसी सद्भाव र एकता सुदृढ बनाउने माध्यम : राष्ट्रपति ★   भूमेस्थानमा पूजा, आराधना गरी मनाइँदै उँभौली पर्व ★   अहिंसा नै शान्ति र मैत्रीको आधारशिला ★   आईपीएलः बैंगलोरलाई हराउँदै राजस्थान क्वालिफायर २ मा, फाइनल पुग्न हैदरावादसँग भिड्ने ★   वीर अस्पतालको अनुगमनमा जे देखियो… ★   सद्भाव फैलाउन बुद्ध शिक्षामा विश्वास गरौँ : प्रधानमन्त्री ★   स्वयम्भूनाथ परिसरमा सागा दावाको उत्सव-फोटो फिचर ★   गृहमन्त्री लामिछानेमाथि छानबिन गर्न राप्रपाको माग

यी हुन् आईपीएलमा तहल्का पिट्ने खेलाडी जसले दक्षिण अफ्रिकाबाट टी–२० विश्वकप खेल्दैछन्



एजेन्सी । दक्षिण अफ्रिकाले आगामी टी–२० विश्वकप २०२४ का लागि १५ खेलाडीको टोली घोषणा गरेको छ । टोलीको कप्तानी एडन मार्करामलाई दिइएको छ भने नान्द्रे बर्गर र लुंगी एनगिडीलाई रिजर्भ खेलाडीको रुपमा राखिएको छ ।

यो टोलीमा आईपीएल २०२४ मा तहल्का मच्चाउने धेरै खेलाडीहरू छन् । उनीहरुको उत्कृष्ट लयले वेस्ट इन्डिज र अमेरिकामा हुने टी–२० विश्वकपमा पनि कहर ल्याउन सक्छ ।

यसै सन्दर्भमा यहाँ आईपीएल खेलिरहेका खेलाडीहरुबारे जानकारी लिऔं

हेनरिक क्लासेन
हेनरिक क्लासेन हालको सिजनमा निकै खतरनाक मिडल अर्डर ब्याट्सम्यान साबित भइरहेका छन् । उनले आईपीएल २०२४ मा सनराइजर्स हैदरावादका लागि खेलेका ९ खेलमा २९५ रन बनाएका छन् ।

उनको १८५ भन्दा बढीको स्ट्राइक रेट विशेषगरी आकर्षणको केन्द्र बनेको छ । यो पनि ध्यान दिन लायक छ कि उनले चालू सिजनमा ४२ भन्दा बढीको औसतमा ब्याटिङ गरिरहेका छन् । २०२२ को विश्वकपमा क्लासेनले प्लेइङ इलेभेनमा धेरै मौका पाएनन्, तर यसपटक उनको ब्याटले रनको वर्षा गर्न सक्छ ।

जेराल्ड कोएत्जी
जेराल्ड कोएत्जीले २०२४ मा मुम्बई इन्डियन्सबाट खेल्दै आईपीएलमा डेब्यु गरेका थिए । उनले यो सिजन ८ खेलमा १२ विकेट लिएका छन् । कोएत्जीले १५० किलोमिटर प्रतिघण्टाको गतिमा बलिङ गरेर सबैको ध्यान खिचेका छन् । उनीसँग गति छ, जसले उत्कृष्ट ब्याट्सम्यानलाई समेत धोका दिइरहेको छ ।

ट्रिस्टन स्टब्स
ट्रिस्टन स्टब्सलाई दिल्ली क्यापिटल्सले २०२४ को लिलामीमा ५० लाखमा किनेको थियो । सुरुका खेलमा स्टब्सको ब्याटले काम गरेन तर अहिले उनी नियमित रुपमा द्रुत इनिङ्स खेलिरहेका छन् । उनले यो सिजन खेलेका ११ खेलमा १८६ को स्ट्राइक रेटमा २७७ रन बनाएका छन् । हालै स्टब्सले दिल्ली क्यापिटल्सलाई ४८ रनको ज्वलन्त पारी खेल्दै २५७ रनको कीर्तिमानी स्कोर बनाउन मद्दत गरेका थिए ।

अन्य खेलाडीको प्रदर्शन औसत
कागिसो रबाडा पनि आईपीएल २०२४ मा खेलिरहेका छन्, तर पञ्जाब किंग्सले सधैं उनीबाट म्याच जित्ने प्रदर्शन गर्ने अपेक्षा गरिएको छ । उनले सिजनमा हालसम्म ९ खेलमा १० विकेट लिन सफल भएका छन् । अर्कोतर्फ, क्विन्टन डी ककले लखनउ सुपरजायन्ट्सलाई लाई धेरै अवसरमा राम्रो सुरुवात दिन सकेका छैनन् ।

चालु सिजनमा ९ खेलमा उनको ब्याटबाट जम्मा २३६ रन बनेको छ । विश्वका खतरनाक ब्याट्सम्यान डेभिड मिलरले गुजरात टाइटन्सलाई अहिलेसम्म कुनै फाइदा दिन सकेका छैनन् । उनले ७ खेलमा १६४ रन बनाएका छन् । यसैबीच, एनरिच नोर्टजे पनि चर्चामा छन् किनभने उनले आईपीएलमा ६ खेलमा ७ विकेट मात्र लिएका छन् र १३ भन्दा बढीको इकोनोमी रेटमा रन दिएका छन् ।

दक्षिण अफ्रिकाको टोलीः एडेन मार्कराम (कप्तान), ओटनेल बार्टम्यान, जेराल्ड कोएत्जी, क्विन्टन डी कक, ब्योर्न फोर्टुइन, रीजा हेन्ड्रिक्स, मार्को यानसेन, हेनरिक क्लासेन, केशव महाराज, डेभिड मिलर, एनरिक नोर्टजे, कागिसो रबाडा, रायन रिकेलम्सी, कागिसो रबाडा, ट्रिस्टन स्टब्स ।