एजेन्सी । इन्डियन प्रिमियर लिग (आईपीएल) २०२४ को ४८ औं खेलमा आज लखनउ सुपरजायन्ट्सले मुम्बई इन्डियन्सको सामना गर्दैछ । लखनउको घरेलु मैदान भारत रत्न श्री अटल बिहारी वाजपेयी स्टेडियममा हुनलागेको खेल नेपाली समयअनुसार बेलुकाको ७:४५बजेबाट सुरु हुनेछ ।
यो सिजनमा आज लखनउ र मुम्बईबीचको पहिलो खेल हुन लागेको हो । यस सिजनमा ९ खेल खेलिसकेको लखनउ ५ जित निकाल्दै १० अंकसहित अंक तालिकाको पाँचौं स्थानमा छ । उता मुम्बई भने ९ खेलमा ३ जित हात पार्दै ६ अंकसहित तालिकाको नवौं स्थानमा छ ।
हेड टु हेडमा लखनउ अगाडि
आईपीएलमा लखनउ र मुम्बईबीच ४ खेल खेलिएको छ । जसमा लखनउले तीन खेल जितेको छ भने मुम्बई एक खेल मात्र जितेको छ ।
राहुल एलएसजीका सर्वाधिक रन स्कोरर
एलएसजीका कप्तान केएल राहुल यो सिजन टोलीका सर्वाधिक रन स्कोरर हुन्। उनले अहिलेसम्म १४४.२७ को स्ट्राइक रेटमा ३७८ रन बनाएका छन्। युवा खेलाडी यश ठाकुरले ८ खेलमा ९ विकेट लिएका छन् ।
तिलक वर्मा एमआईको सर्वाधिक स्कोरर
तिलक वर्मा एमआईबाट फर्ममा छन् । उनले उत्कृष्ट प्रदर्शन गर्दै कठिन परिस्थितिमा टोलीलाई सम्हालिरहेका छन्। तिलकले ३ अर्धशतकसहित ३ सय ३६ रन बनाएका छन् । उनले अहिलेसम्म ९ खेलमा १४ विकेट लिएका छन् ।
लखनऊ सुपरजायन्ट्सको सम्भावित प्लेईङ ११:
केएल राहुल (कप्तान र विकेटकीपर), क्विन्टन डी कक, दीपक हुडा, मार्कस स्टोइनिस, निकोलस पूरन, आयुष बडोनी, क्रुणाल पाण्ड्या, म्याट हेनरी, रवि बिश्नोई, यश ठाकुर र मोहसिन खान।
इम्प्याक्ट प्लेयर: देवदत्त पडिक्कल।
मुम्बई इन्डियन्सको सम्भावित प्लेईङ ११:
हार्दिक पाण्ड्या (कप्तान), रोहित शर्मा, इशान किशन (विकेटकीपर), तिलक वर्मा, नेहल वढेरा, टिम डेभिड, मोहम्मद नाबी, पियुष चावला, लुक वुड, जसप्रित बुमराह र नुवान थुसारा।
इम्प्याक्ट प्लेयर: सूर्यकुमार यादव।
