काठमाडौँ । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले आफ्नो पार्टीलाई उपेक्षा गरे सत्ता गबठन्धनबाट बाहिरिने चेतावनी दिनुभएको छ ।
शुक्रवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले नेपालको अहिलेको राजनीति र नेपालको मौसम उस्तै उस्तै रहेको टिप्पणी गर्नुभयो । उहाँले नेपालको मौसममा केही भन्न नसकेजस्तै राजनीतिमा पनि केही भन्नसक्ने अवस्था नरहेको जिकिर गर्नुभयो ।
उहाँले राजनीतिक स्थायित्व देशलाई चाहिएको बताउनु भयो । उहाँले राजनीतिक स्थायित्व देश परिवर्तन, विकासका लागि चाहिएको बताउनु भयो । उहाँले देश विकासका लागि सामाजिक न्याय, समानता, उत्पादन, रोजगारी प्रवद्र्धन, राष्ट्रिय पुँजीको विकासमा जोड दिनुपर्ने बताउनु भयो ।
अध्यक्ष नेपालले भन्नुभयो, ‘अहिलेको नेपालको राजनीति नेपालको मौसम जस्तै छ । तर हामी चाहन्छाँै, मौसमको बारेमा केही भन्न नसके जस्तै नेपालको राजनीतिमा भन्न नसक्ने अवस्था नबनोस् । प्रष्ट रुपमा हामीले भन्न सकाँै । राजनीतिक स्थायित्व हामीलाई चाहिएको छ तर राजनीतिक स्थायित्व भनेको परिवर्तनका लागि, विकासका लागि हो । देशलाई अघि बढाउनका लागि हो ।
त्यसैले हामीले सुशासनको कुरालाई उच्चतम प्राथमिकता दिन्छाँै । हामी सामाजिक न्याय, समानताको कुरालाई उच्चतम महत्व दिन्छौँ र उत्पादनमा जोडिएर, रोजगारी प्रवद्र्धन गरी, नयाँनयाँ उद्यमहरु खोल्नका लागि राष्ट्रिय पुँजीको विकास गरेर आवश्यक परे वैदेशिक लगानीलाई आमन्त्रण गरेर विदेशमा गएका नेपालीहरुको पनि अनुभव, सीप, पुँजीको प्रयोग गर्छौं । त्यो उपभोगमा खर्च गर्ने होइन, लगानीमा खर्च गर्नेगरी, परिवारले अहिले मिठो खाने मात्रै होइन, भोलिको भविष्य सुनिश्चित गर्नेगरी लगानीमा प्रोत्साहन गर्न राज्यले प्रतिफल नदिएसम्म बैंकले ब्याज दिने, प्रतिफल दिएपछि मुनाफा वितरण गर्ने यो ढंगबाट राज्यले प्रोत्साहित गरे मान्छेले पैसा सञ्चय गर्न थाल्छन् ।’
अध्यक्ष नेपालले देशको अर्थतन्त्रसहित सबै किसिमका समस्या समाधानमा सरकारले ध्यान दिनुपर्ने बताउनु भयो । उहाँले सुशासन, सामाजिक न्याय र समानता, समृद्धि, उत्पादन, पुँजी निर्माण, उद्यमहरुको विकास, सीप सिकाउने, उद्यमशिलतालाई प्रोत्साहन दिन काम गर्नुपर्ने बताउनु भयो । अध्यक्ष नेपालले सरकारलाई दम्भ नदेखाउन चेतावनी पनि दिनुभयो ।
