काठमाडौँ । भोलि शनिबारदेखि नेपालसँग हुने ५ खेलको टी–२० सिरिजको तयारीका लागि वेस्ट इन्डिज ‘ए’ ले कीर्तिपुरस्थित त्रिवि मैदानमा अभ्यास थालेको छ ।
यस सिरिजका लागि वेस्ट इन्डिज ‘ए’ को टिम बुधबार नै काठमाडौं आइपुगेको थियो ।
यसैबीच, वेस्ट इन्डिजका खेलाडी आन्द्रे फ्लेचरले नेपालको आतिथ्यताबाट खुसी भएको प्रतिक्रिया दिएका छन् । अभ्यासका क्रममा मिडियासँग कुरा गर्दै उनले यस्तो बताएका हुन् ।
उनले भने – ‘हाम्रो मौसमजस्तै रहेछ यहाँको पनि वातावरण । आतिथ्यता एकदमै राम्रो छ । हामी इन्जोइ गरिरहेका छौं । नेपालीहरु एकदमै राम्रा मानिस रहेछन् । हामीले यहाँको समयमा रमाइलो गरिरहेका छौं ।’
टोलीलाई स्वागत गर्ने क्रममा आलोचना भएको थियो । सामाजिक सञ्जालमा यस टोलीको स्वागतलाई लिएर नकरात्मक प्रतिक्रिया आएको थियो ।
नेपाल र वेस्ट इन्डिज ए बीच पहिलो खेल अप्रिल २७ मा हुने छ भने दोस्रो खेल अप्रिल २८ मा, तेस्रो मे १ मा चौथो मे २ मा र अन्तिम तथा पाँचौ ४ मे मा हुने छ । टियु मैदानमा हुने सिरिजका सबै खेल सवा १२ बजेदेखि शुरु हुनेछन् ।
यो पनिः वेस्ट इन्डिजका खेलाडी स्वागतमा क्यान व्यवस्थापनमा उठ्यो प्रश्न, सामाजिक सञ्जालमा आलोचनाको ओइरो
