काठमाडौं । प्रधानमन्त्रीका प्रेस सल्लाहकार सूर्य थापाले पूर्वप्रधानमन्त्री माधवकुमार नेपालप्रति कटाक्ष प्रहार गरेका छन् । थापाले आज (सोमबार) बिहान समाजिक सञ्जाल फेसबुकमार्फत नेपाललाई दरबारमा बिन्तिपत्र चढाएको ईतिहासको पुनरावृत्ति अहिले पनि भएको लेखेका छन् ।
त्यस्तै थापाले नेपाललाई तेल दिँदा नखाएको तर कोल चाट्ने काम गरेको भन्दै गिँज्याएका छन् ।
हिजो निर्वाचन आयोगले नेकपाका मागदाबी अमान्य बताउँदै माधव नेपालको अध्यक्ष पद अवैधानिक भएको बताएको थियो।
त्यसैप्रति लक्ष्य गर्दै थापाले यस्तो लेखेका छन्-
पहिले दरबारकाे पश्चिम ढाेकामा सभक्ति बिन्तिपत्र चढाउँदा प्रधानमन्त्री बन्न नपाएको इतिहासकै पुनरावृत्ति –
अहिले कार्की बैंक्वेटमा आयाेजित प्रचण्डपथीय भेलाबाट स्वघाेषित अध्यक्ष बनेकाे १ महिना ४ दिनमै अवैध घाेषणा –
बुद्धिले अरूलाई खा,
रिसले आफूलाई खा
भनेकाे यस्तै भएर हाेला !
एकीकृत पार्टीकाे तेस्राे अध्यक्ष बन्न भन्दा मनले मानेन,
तेल दिँदा नखाने काेल चाट्ने गर्दा त यस्तै हुन्छ नै ।
मजाक –
उधारो हुन्न, हाताहाती चाहिन्छ,
पेरिसडाँडामा कुखुरी काँ ?
थापाले फेसबुकमा यो तस्बिर प्रयोग गरेका छन् –
