एजेन्सी । पञ्जाबका नयाँ मुख्यमन्त्री भगवन्त मानले शहीद भगत सिंहको गाउँ खटकर कलानमा पञ्जाबी भाषामा सपथ लिएका छन् ।
उनलाई राज्यपाल बीएल पुरोहितले पद तथा गोपनीयताको सपथ गराएका हुन् । मानले पञ्जाबी भाषामा भगवानको नाममा शपथ लिएका थिए । त्यसपछि भाषण गर्दै इन्कलाब जिन्दाबादको नारा लगाइयो ।
भगवन्त मान पञ्जाबको १७ औं मुख्यमन्त्री बनेका छन् । तर, कार्यकालको हिसाबले उनी पञ्जाबको २५ औं मुख्यमन्त्री हुन् ।
सपथ ग्रहण गरेपछि मानले भने– केही मितिमा मात्रै शहीदलाई किन सम्झिन्छ ? उहाँको बाटोमा दिनहुँ हिड्नुपर्छ ।’ उनले आम आदमी पार्टीका नेता तथा कार्यकर्तालाई कुनै पनि प्रकारको अहंकार नभएको बताए । यस्तो समाचार नआउनुपर्ने उनको भनाई थियो ।
मानले समय र जनता ठूलो कुरा भएको बताए । मानले बेरोजगारी, भ्रष्टाचार, कृषि, व्यवसाय, विद्यालय, अस्पताल सबै कुरालाई व्यवस्थित गर्ने बताए । यहाँ बसेर पञ्जाबको भलाइ गर्ने उनको भनाई छ ।
मानले भने, ‘हामी जनता जस्तै हौँ र जनताकै रुपमा रहनेछौँ । भगवन्त मानले १२ः३० बजे सपथ लिनुपर्ने थियो तर ५० मिनेट ढिलो मञ्चमा पुगेका थिए । अधिकारीहरुका अनुसार खराब मौसमका कारण उनीहरु खटकर कलान पुग्न ढिलाइ भएको हो ।
यस क्रममा अरविन्द केजरीवाल र मनिष सिसोदिया पनि स्टेजमा बसन्ती पगडी लगाएर देखिएका थिए । दिल्ली सरकारका मन्त्रीहरू पनि मञ्चमा सहभागी थिए ।
मानको सपथ ग्रहण कार्यक्रम शहीद भगत सिंहको जन्मभूमि खटकर कलानमा हुनुको एउटा रोचक कारण पनि छ । यहीँ २०११ मा पञ्जाबका सफल कमेडियन भागवत मानले आफ्नो राजनीतिक जीवन सुरु गरेका थिए। भगवन्त मानको आग्रहपछि उनका समर्थकहरु बसन्ती रङको पगडी र दुपट्टा लगाएर कार्यक्रममा पुगेका थिए ।
