• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   इंग्ल्याण्डले १९ बलमा ४८ रनको लक्ष्य पछ्यायो, विश्वकपमा सबैभन्दा छिटो रन चेज ★   जिल्ला न्यायाधीशको लिखित परीक्षामा आठ उत्तीर्ण ★   ‘काठमाडौँ स्कुल अफ ल’ र भाषा आयोगबीच भाषा संरक्षणका पक्षमा सम्झौता ★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का

अब हैदराबादको लक्ष्य ३०० रन, दियो यस्तो चेतावनी



ऐजन्सी । सनराइजर्स हैदरावादले आईपीएल २०२४ मा अहिलेसम्म ७ खेल खेलेको छ । प्याट कमिन्सको कप्तानीमा रहेको हैदरावादले यी खेलमा तीन पटक २५० रनको आँकडा पार गरेको छ ।

हैदरावादका ब्याट्सम्यानले विपक्षी टोलीका बलरको ‘धुलाई’ गरेका छन् । इनिङ्सको सुरुदेखि नै हैदरावादका ब्याट्सम्यानले छक्का र चौका प्रहार गर्न थाले । अब टोलीले अर्को पटक ३ सय रनको अंक पार गर्न सक्ने चेतावनी दिएको छ ।

यो सिजन हैदरावादका लागि ओपनिङको जिम्मेवारी ट्राभिस हेड र अभिषेक शर्माले सम्हालिरहेका छन् । दुवै ओपनरले पहिलो बलबाट बलरलाई आक्रमण गर्न थाले । हैदराबादले हिजो शनिबार दिल्ली क्यापिटल्ससँग अरुण जेटली स्टेडियममा खेलेको थियो । खेलमा पहिले ब्याटिङ गरेको हैदराबादले २० ओभरमा २६६/७ रन बनाएको थियो ।

यस अवधिमा ट्राभिस हेडले २७८.१२ को स्ट्राइक रेटमा ब्याटिङ गर्दै ३२ बलमा ८९ रन बनाए । हेडको इनिङ्समा ११ चौका र ६ छक्का समावेश थियो । यसबाहेक उनका ओपनर साथी अभिषेक शर्माले १२ बलमा २ चौका र ६ छक्का प्रहार गर्दै ४६ रन बनाएका थिए । अब दिल्ली क्यापिटल्स विरुद्धको खेलपछि अभिषेक शर्माले भने कि आफ्नो टोलीले अर्को खेलमा ३०० रनको आँकडा पार गर्न सक्छ ।

दिल्लीविरुद्धको खेलपछि प्रश्न सोधिएको थियो, ‘अर्को खेलमा हैदरावादको ठूलो स्कोर के होला ? यसको जवाफ दिँदै अभिषेक शर्माले भने, ‘सुरुमा राखिएको नम्बर ३ राम्रो देखिन्छ ।’ यो बयानसँगै अभिषेक शर्माले हैदरावादले अंक ३ बाट सुरु हुने अर्को खेलमा यो योगफल बनाउने प्रयास गर्ने स्पष्ट पारेका छन् । अर्थात् टोलीले अर्को खेलमा ३ सय रनको आँकडा पार गर्ने प्रयास गर्नेछ ।

अब अर्को खेलमा हैदरावादले कति ठूलो फड्को मार्छ त्यो हेर्नु रोचक हुनेछ । हैदरावादको अर्को खेल २५ अप्रिल (बिहीबार) रोयल च्यालेन्जर्स बैंगलोरसँग हुनेछ ।