एजेन्सी । इन्डियन प्रिमियर लिग (आईपीएल)२०२४ मा आज डबल हेडरको पहिलो खेलमा कोलकाता नाइट राइडर्स र रोयल च्यालेन्जर्स बेंगलुरु भिड्दैछन् । कोलकाताको इडेन गार्डेन स्टेडियममा हुन लागेको खेल नेपाली समय अनुसार दिउँसो ३:४५ बजेबाट सुरु हुनेछ ।
कोलकाताको यो सातौं र बेंगलुरुको आठौं खेल हो। ६ खेलमा ४ जित हात पारेको कोलकाता ८ अंकसहित अंक तालिकाको दोस्रो स्थानमा छ । अर्कोतर्फ, ७ खेलमा १ जित हात पारेको बेंगलुरु २ अंकसहित पुछारको १० औं स्थानमा छ ।
हेड टु हेड
आईपीएलमा हालसम्म कोलकाता नाइट राइडर्स र रोयल च्यालेन्जर्स बेंगलुरुबीच ३३ खेल भइसकेका छन् । १९ मा कोलकाता र १४ मा बेंगलुरु विजयी भएको छ ।
कोलकाताको घरेलु मैदानमा दुई टोलीबीच ११ खेल खेलिएका छन् । केकेआरले ७ खेल जितेको छ भने आरसीबीले ४ खेल जितेको छ ।
दुवै टोली यो सिजनमा आज दोस्रो पटक भिड्दैछन् । यसअघिको खेल बेंगलुरुको घरेलु मैदानमा भएको थियो जसमा कोलकाताले घरेलु टोलीलाई ७ विकेटले पराजित गरेको थियो ।
कोलकाताका लागि सुनिल नारायणले सर्वाधिक रन बनाएका छन् । बलिङमा वैभव अरोरा शीर्ष स्थानमा छन् ।
आरसीबीको लागि विराट कोहलीले ठूलो इनिङ्स खेलिरहेका छन्। बलिङमा यश दयालले टिमका लागि सबैभन्दा बढी विकेट लिएका छन् ।
कोलकाता नाइट राइडर्सको सम्भाबित प्लेईङ ११:
श्रेयस अय्यर (कप्तान), फिल साल्ट (विकेटकीपर), सुनील नारायण, भेंकटेश अय्यर, अङ्क्रिश रघुवंशी, रिंकु सिंह आन्द्रे रसेल, रमनदीप सिंह, मिचेल स्टार्क, वरुण चक्रवर्ती र हर्षित राणा।
इम्प्याक्ट प्लेयर: वैभव अरोरा।
रोयल च्यालेन्जर्स बैंगलोरको सम्भाबित प्लेईङ ११:
फाफ डु प्लेसिस (कप्तान), विराट कोहली, विल ज्याक, सौरभ चौहान, रजत पाटीदार, दिनेश कार्तिक (विकेटकिपर), महिपाल लोमरोर, रीस टोपले, विजय कुमार वैशाख, यश दयाल र लोकी फर्ग्युसन।
इम्प्याक्ट प्लेयर: कर्ण शर्मा।
