काठमाडौं । पछिल्लो २४ घण्टामा थप १०५ जना कोरोना भाइरसका संक्रमित थपिएका छन् । आइतबार ३ हजार ३ सय ८ जनाको पिसिआर परिक्षणमा १०५ जनामा कोरोना संक्रमण पुष्टि भएको हो । योसहित हालसम्म संक्रमित हुनेको कुल संख्या दुई लाख ७० हजार ९५९ पुगेको छ।
स्वास्थ्य तथा जनसंख्या मन्त्रालयका अनुसार आईतबार २८८ जना निको भएसंगै कोरोनाबाट निको हुनेको कुल संख्या दुई लाख ६६ हजार ३३६ पुगेको छ। नेपालमा सक्रिय संक्रमितको संख्या २५९४ छ।
त्यस्तै आईतबार कोरोना भाइरसको संक्रमणबाट २ जनाको मृत्यु भएसंगै कोरोनाबाट मृत्यु हुनेको संख्या २ हजार २९ पुगेको छ।
