काठमाडौँ । नेकपा(एकीकृत समाजवादी)का सांसद राजेन्द्रप्रसाद पाण्डेले प्रमुख प्रतिपक्ष दल नेपाली कांग्रेसले माग गरे अनुसारको सहकारी ठगि प्रकरणको छानविन गर्न संसदीय समिति बनाउन माग गर्नुभएको छ ।
बुधवार प्रतिनिधि सभाको बैठकमा बोल्दै सांसद पाण्डेले सहकारी ठगि प्रकरणको छानविन गर्न संसदीय छानविन समिति गठन गर्नुपर्ने बताउनुभएको हो । उहाँले प्रमुख प्रतिपक्षको मागलाई ध्यान दिएर सार्थक वार्ता गरी संसदको गतिरोध अन्य गर्न सरकारको ध्यानाकर्षण गराउनुभयो । उहाँले नेकपा(एकीकृत समाजवादी) पनि २०४७ सालदेखिकै भ्रष्टाचारहरुको छानविन गर्ने पक्षमा रहेको पनि बताउनु भयो ।
उहाँले भन्नुभयो – ‘संसदभित्र केही दिनदेखि प्रमुख प्रतिपक्षले सहकारीका ठगि प्रकरणका सम्बन्धमा छानविनको माग लिएर संसदको बैठक अवरोध गरिरहेको छ । प्रमुख प्रतिपक्षको मागलाई ध्यान दिएर सार्थक वार्ता गरी संसदको यो गतिरोध अन्य गर्न म सभामुखमार्फत सरकारलाई ध्यानाकर्षण गर्न चाहन्छु । सहकारी ठगिको छानविन र भ्रष्टाचारको छानविन गर्ने कुरा जोडदार उठिरहेको बेला ०४७ सालदेखिकै भ्रष्टाचारको छानविन गर्ने कुरो पनि आयो । नेकपा(एकीकृत समाजवादी) पार्टीको तर्फबाट म के भन्न चाहान्छु भने ठिक छ, ०४७ सालदेखिकै भ्रष्टाचार छानविनको काम गरौँ । दोषिहरुलाई कारबाही गर्ने गरी छानविन गरौँ । उम्काउने गरी होइन ।’
सांसद पाण्डेले दोषिलाई उम्काउनेगरी नभई कारबाही गर्नेगरी छानविन गर्नुपर्ने बताउनु भयो ।
