एजेन्सी । महेन्द्र सिंह धोनी र रविन्द्र जडेजाले सोमबार चेन्नईको भीडलाई मनोरञ्जन दिए । धोनी र जडेजाले स्टेडियममा उपस्थित दर्शकलाई झुक्याए । यो सानो पलको भिडियो भाइरल भयो । यो किस्सा सोमबार चेन्नई सुपर किंग्स र कोलकाता नाइट राइडर्स बीचको आईपीएलको २२ औं खेलको हो ।
चेन्नई सुपर किंग्सले एमए चिदम्बरम स्टेडियममा केकेआरले दिएको १३८ रनको लक्ष्य पछ्याएको थियो । १७ औं ओभरको पाँचौं बलमा शिवम दुबेलाई वैभव अरोराले बोल्ड गरे र डगआउटमा फर्किए ।
त्यसपछि फ्यानहरुबीच एमएस धोनी ब्याटिङमा आउनुपर्ने हल्ला चलेको थियो । सीएसकेको रणनीति पनि यो थियो कि धोनी ब्याटिङ गर्न आउनेछन् किनभने उनको एक झलक पाएपछि फ्यानहरूले आफ्नो ‘पैसा वसुल’ भएको महसुस गर्छन् ।
फ्यानहरू आफ्नो मनपर्ने खेलाडी धोनीको पर्खाइमा थिए तर त्यसपछि रविन्द्र जडेजा पूरा किट लगाएर प्याभिलियनबाट मैदानतर्फ लम्किए । तर उनी फर्किएर भित्र प्याभिलियनतिरै लागे । त्यतिन्जेल एमएस धोनी हेलमेट लगाएर तयार भइरहेका थिए । त्यसपछि फ्यानहरूको कोलाहलको बीचमा एमएस धोनी स्टेडियममा आए र क्रिजमा पुगे । धोनी र जडेजाले मिलेर दर्शकलाई झुक्याएको क्षणको भिडियो भाइरल भएको छ ।
Jadeja teased the crowd by walking ahead of Dhoni as a joke. This team man🤣💛 pic.twitter.com/Kiostqzgma
— 𝐒𝐞𝐫𝐠𝐢𝐨 (@SergioCSKK) April 8, 2024
चेन्नई सुपर किंग्सका फास्ट बलर तुषार देशपाण्डेले आफूले धोनी जडेजाले यसरी ठट्टा गरेको सुनेको खुलासा गरेका छन् । यो ठट्टा सफल पनि भयो । यसै क्रममा रविन्द्र जडेजाले दर्शकको मनोरञ्जनका लागि यस्तो ठट्टा गरिएको बताए । चेन्नई सुपर किंग्सले कोलकाता नाइट राइडर्सलाई ७ विकेटले पराजित गर्दै प्रतियोगितामा तेस्रो जित दर्ता गरेको छ ।
