एजेन्सी । विराट कोहलीले मार्च २५ मा एम चिन्नास्वामी स्टेडियममा भएको खेलमा ७७ रनको इनिङ खेलेर रोयल च्यालेन्जर्स बैंगलोर लाई पञ्जाब किंग्सविरुद्ध जित दिलाउन महत्वपूर्ण भूमिका खेलेका थिए ।
उनले ४९ बलमा ११ चौका र २ छक्का प्रहार गर्दै ७७ रन बनाए, जसका लागि उनी म्यान अफ द म्याचको अवार्ड पनि पाए । यस इनिङले आरसीबीले ४ विकेटले जित्यो र यो आईपीएल २०२४ मा उनको टोलीको पहिलो जित पनि हो ।
अब विराट कोहलीले एक विशेष कीर्तिमानमा चेन्नई सुपर किंग्सका पूर्व कप्तान महेन्द्र सिंह धोनीसँग बराबरी गरेका छन् ।
विराट कोहलीले यस खेलमा धेरै पुरस्कार प्राप्त गरे र खेलको प्लेयर अफ दी म्याच पनि बने । अब कोहलीले आईपीएलको इतिहासमा भारतीय खेलाडीबाट सबैभन्दा धेरै म्यान अफ द म्याचको अवार्ड जित्नेमा एमएस धोनीसँग बराबरी गरेका छन् ।
कोहलीको आईपीएल करियरको यो १७ औं म्यान अफ द म्याच अवार्ड थियो र एमएस धोनीले पनि आफ्नो करियरमा यति पटक यो अवार्ड जितेका छन् ।
भारतीय खेलाडीको कुरा गर्ने हो भने कोहली र धोनीभन्दा रोहित शर्मा मात्र अगाडि छन्, जसले इन्डियन प्रिमियर लिगमा अहिलेसम्म १९ पटक म्यान अफ द म्याचको उपाधि जितेका छन् ।
