एजेन्सी । आईपीएल २०२४ को पाँचौं खेल गुजरात टाइटन्स र मुम्बई इन्डियन्स बीच आइतबार अहमदाबादको नरेन्द्र मोदी स्टेडियममा खेलिएको थियो ।
गुजरात र मुम्बईबीच हार्दिक पाण्ड्याको कीर्तिमानी ट्रेडिङ भएकाले दुई टोलीबीचको यो खेललाई लिएर फ्यानमा निकै उत्साह थियो ।
नयाँ कप्तानको रूपमा पाण्ड्याले पहिलो खेलमा आफ्नो पूर्व फ्रेन्चाइजको सामना गरिरहेका थिए ।
यो खेलको क्रममा एक घटनाको दृश्य सामाजिक सञ्जालमा भाइरल भइरहेको छ, जसमा फ्यानहरू आपसमा झगडा भएको र भीषण कुटाकुट भएको देख्न सकिन्छ । यो भिडियो छिट्टै फैलियो तर फ्यानबीचको झगडाको कारण भने खुल्न सकेको छैन ।
@gharkekalesh pic.twitter.com/S91TBVDClm
— Arhant Shelby (@Arhantt_pvt) March 25, 2024
हार्दिक पाण्ड्या गुजरात टाइटन्सबाट मुम्बई इन्डियन्समा फर्किएका छन् । नरेन्द्र मोदी स्टेडियममा उपस्थित फ्यानहरूले हार्दिक पाण्ड्यालाई चर्को स्वरमा गाली गरे । इङ्लिस कमेन्टेटर केभिन पिटरसनले पनि भारतमा क्रिकेटरलाई यसरी गाली गरेको पहिलो घटना देखेको बताएका छन् ।
हार्दिक पाण्ड्याबाट फ्यानहरू निराश हुनुको अर्को कारण रोहित शर्माको स्थानमा मुम्बई इन्डियन्सको कप्तान बन्नु पनि हो ।
मुम्बई इन्डियन्सले सिजन अघि रोहित शर्माको स्थानमा हार्दिक पाण्ड्यालाई कप्तानी गर्ने घोषणा गरेको थियो । मुम्बई इन्डियन्सका फ्यानहरु यो निर्णयबाट खासै खुसी देखिएनन् । यही कारणले गर्दा हार्दिक पाण्ड्या आलोचनाको घेरामा परे र प्रदर्शनमा पनि सफल हुन सकेनन् । मुम्बई इन्डियन्सको टोलीले १६९ रनको लक्ष्य पछ्याउन सकेन ।
गुजरात टाइटन्सले पहिले ब्याटिङ गर्दै निर्धारित २० ओभरमा ६ विकेट गुमाएर १६८ रन बनाएको थियो । जवाफमा मुम्बई इन्डियन्सले निर्धारित २० ओभरमा ९ विकेट गुमाएर १६२ रन मात्र बनाउन सक्यो । योसँगै मुम्बई इन्डियन्स टोलीले प्रतियोगिताको आफ्नो पहिलो खेल जित्न नसकेको १२ वर्ष लामो सिलसिला तोड्न सकेन ।
