एजेन्सी । इन्डियन प्रिमियर लिग (आईपीएल)को १७ औं सिजनमा आज अर्थात सोमबार रोयल च्यालेन्जर्स बैंग्लोर (आरसीबी)ले पञ्जाब किंग्स (पीबीकेएस)सँग खेल्दैछ । खेल बैंगलोरस्थित एम चिन्नास्वामी स्टेडियममा साँझ ७ः४५ बजेदेखि सुरु हुनेछ ।
यो सिजन दुवै टोलीको यो दोस्रो खेल हुनेछ । पञ्जाबले आफ्नो पहिलो खेलमा दिल्ली क्यापिटल्सलाई हराएको थियो भने अर्कोतर्फ बैंगलोरले चेन्नई सुपर किंग्ससँग हार बेहोरेको थियो ।
दुवै टोली चार वर्षपछि बैंगलोरको मैदानमा आमनेसामने हुँदैछन् । यसअघि २०१९ मा खेलिएको थियो, जब बेंगलुरु १७ रनले विजयी भएको थियो ।
आईपीएलको इतिहासमा आरसीबी र पीबीकेएसबीच अहिलेसम्म ३१ खेल खेलिएका छन् । जसमा आरसीबीले १४ खेल जितेको छ भने पञ्जाबले १७ खेल जितेको छ । बैंगलोरको घरेलु मैदान एम चिन्नास्वामी स्टेडियममा यी दुई टोलीबीच अहिलेसम्म ११ वटा खेल भइसकेका छन् । जसमा बैंगलोरले ६ र पञ्जाबले पाँच जित हात पारेको छ ।
ब्याटिङमा बलियो बैंगलोर
बैंगलोरको बलियो ब्याटिङ लाइन छ । जसमा कप्तान फाफ डु प्लेसिस, विराट कोहली, रजत पाटीदार, ग्लेन म्याक्सवेल, क्यामरुन ग्रीन र दिनेश कार्तिक जस्ता खेलाडीहरू छन् । म्याक्सवेल, ग्रीन र कार्तिकले फिनिशरको भूमिका राम्रोसँग खेल्न सक्छन् । बैंगलोरले अल्जारी जोसेफ, यश दयाल र लोकी फर्गुसनलाई किनेर बलिङ बलियो बनाएको छ ।
तर, अनुज रावत (४८) र दिनेश कार्तिक (३८) बाहेक चेन्नईविरुद्ध कसैले ठूलो इनिङ खेल्न सकेनन् । यो सिजनको सर्वाधिक रन बनाउने खेलाडी अनुज रावत हुन् । क्यामरुन ग्रीन सर्वाधिक विकेट लिने खेलाडी हुन् ।
पञ्जाबको टोली सन्तुलित
पञ्जाबको टोलीमा शिखर धवन, रिले रुसो, लियाम लिभिङ्स्टन, जोनी बेयरस्टो, प्रभसिमरन सिंह र जितेश शर्माजस्ता ब्याटिङमा बलिया छन् । अर्शदीप सिंह, कागिसो रबाडा, नाथन एलिस र क्रिस वोक्स जस्ता बलर पनि छन् । हर्षल पटेलको आगमनसँगै डेथ ओभरमा टोलीको बलिङ घातक बनेको छ । तसर्थ पञ्जाब सन्तुलित देखिन्छ ।
साम करन जस्ता अलराउन्डर पनि छन् । सामले अन्तिम खेलमा टोलीको जितमा महत्वपूर्ण भूमिका खेलेका थिए । उनी अहिले टोलीका लागि सर्वाधिक रन बनाउने खेलाडी हुन् । अर्शदीपले सर्वाधिक विकेट लिएका छन् ।
बैंगलोरको एम चिन्नास्वामी स्टेडियमको पिच ब्याटिङमैत्री छ । यहाँ ब्याट्सम्यानले धेरै रन बनाए । यो पिचमा स्पिनरहरूले केही सहयोग पाउँछन् ।
यस रंगशालामा हालसम्म ८८ आईपीएल खेल खेलिएका छन् । पहिले ब्याटिङ गर्ने टोलीले ३७ खेल जितेको थियो भने पछ्याउने टोलीले ४७ खेल जितेको थियो । यस्तो अवस्थामा टस जित्ने टोलीले पछ्याउन रुचाउँछ । चार खेलको नतिजा सार्वजनिक हुन सकेको छैन ।
सोमबार बैगलोरमामा पानी पर्ने सम्भावना कम छ । तापक्रम ३५ देखि २१ डिग्री सेल्सियस रहनेछ ।
