ताप्लेजुङ । ताप्लेजुङमा मेरिङदेन गाउँपालिकामा भएको आगलागीमा दुई वटा घर जलेर नष्ट भएका छन् ।
मेरिङदेन गाउँपालिकाका हर्कबहादुर पालुवा र सुवास नाल्बुको घरमा आगलागीबाट नष्ट भएका हुन् । आगलागीबाट १५ लाख बराबरको धनमाल क्षति भएको जिल्ला प्रहरी कार्यालय ताप्लेजुङले जनाएको छ ।
दुवै घरमा रहेको नगद, खाद्यान्न, लत्ताकपडालगायतका सामान नष्ट भएका हुन् । घर नजिकै रहेका दुई वटा गोठ पनि जलेका छन् । जिल्लाका केही वनमा पनि आगो सल्केको छ ।
एक सातायता ताप्लेजुङका आगलागीबाट सात वटा घर जलेको जिल्ला प्रशासन कार्यालयले जनाएको छ ।
