एजेन्सी । भारतीय आईपीएस अधिकारी मनोज कुमार शर्मा महाराष्ट्र पुलिसमा उपमहानिरीक्षक (डीआईजी)बाट महानिरीक्षक (आईजी) मा बढुवा भएका छन् ।
मनोज शर्माको करियरमा यो प्रगति क्याबिनेटको नियुक्ति समिति (एसीसी)ले २००३, २००४ र २००५ ब्याचका आईपीएस अधिकारीहरूको बढुवालाई अनुमोदन गरेपछि आएको हो ।
मनोज शर्मा (जसको प्रेरणादायी कथामा फिल्म ‘१२ फेल’ बनेको थियो) गत वर्षकै सबैभन्दा सफल फिल्ममा परेको थियो । मनोज शर्माले आफ्नो प्रमोशनको खबर शेयर गर्न आफ्नो सामाजिक सञ्जालको सहयोग लिएका छन् ।
आफ्ना अनुयायीहरूसँग शुभ समाचार साझा गर्दै, मनोज शर्माले भारतीय प्रहरी सेवा भित्रको आफ्नो सम्पूर्ण यात्राको बारेमा कुरा गरे ।
विधु विनोद चोपडाको फिल्म ‘ट्वेल्थ फेलले मनोज शर्माको संघर्षको कथा बताउँछ । यस फिल्ममा विक्रान्त मेसीले मुख्य भूमिका निर्वाह गरेका छन् । चलचित्रले समीक्षक र दर्शकबाट धेरै माया पाएको थियो ।
