काठमाडौं । उपप्रधान तथा गृहमन्त्री रवि लामिछानेले सुन तस्करीमा संलग्न देखिएका सबैलाई दबाब र प्रभावमा नपरी कारबाही गर्न निर्देशन दिएका छन् ।
गृहमन्त्री लामिछानेले गृहसचिव एकनारायण अर्याल, आईजीपी वसन्त कुँवर र सीआईबी प्रमुख श्याम ज्ञवालीलाई बोलाएर सुन नियन्त्रणसम्बन्धी जाँचबुझ आयोगको प्रतिवेदन कार्यान्वयन गर्न निर्देशन दिएका हुन् । आयोगले गृहमन्त्रीलाई चैत १ मा प्रतिवेदन बुझाएको थियो ।
गृहमन्त्री लामिछानेले प्रतिवेदनले औंल्याएका पूर्वसभामुख कृष्णबहादुर महरासहित निजामती तथा प्रहरी कर्मचारीलाई कुनै दबाब र प्रभावमा नपरी कारबाही गर्न निर्देशन दिएका सचिवालयले जनाएको छ ।
