काठमाडौँ । सुन तस्करी जाँचबुझ आयोगले त्रिभुवन विमानस्थल भन्सार कार्यालयका तत्कालीन प्रमुख भन्सार प्रशासक सहित ३ जनालाई विभागीय कारबाही गर्न सिफारिस गरिएको छ ।
६० किलो सुन र भेप प्रकरणमा जाँचबुझ गर्न गठित आयोगले उनीहरूलाई कारबाही गर्न सिफारिस गरेको हो ।
दुबईबाट भेपमा लुकाएर गरिएको सुन तस्करी अनुसन्धानमा उनीहरूको त्रुटि देखिएको ठहर गर्दै आयोगले तत्कालीन भन्सार प्रशासक अरुण पौडेल, उपसचिव श्रीधर टण्डन र मुक्ति श्रेष्ठलाई कारबाही गर्न सिफारिस गरेको हो ।
हाल उपसचिव श्रीधर टण्डन त्रिभुवन विमानस्थल भन्सार कार्यालयमा प्रमुख भन्सार अधिकृतमा कार्यरत छन् भने मुक्ति श्रेष्ठ भन्सार विभागको निर्देशक हुन् ।
