काठमाडौं । नेकपा प्रचण्ड-नेपाल समुहले निर्वाचन आयोगलाई नेकपामा देखिएका विवाद समाधान नगरी निर्वाचन हुन नसक्ने बताएको छ। आइतबार आयोगमा भएको बैठकमा सहभागी प्रचण्ड-नेपाल समुहका नेता लिलामणि पोखरेलले पार्टीमा देखिएको विवाद हल नगरी निर्वाचन अगाडि बढ्न नसक्ने बताएका हुन् ।
‘६४ प्रतिशत मत भएको राजनीतिक दलको विवाद सम्बन्धी प्रश्नहरू हल नगरी कसरी निर्वाचन सम्पन्न गर्नु हुन्छ ? नेकपाको ६४ प्रतिशत मत छ। यसको विवाद समाधान नगरी निर्वाचन सम्पन्न गर्न सकिन्न,’ छलफलमा बोलेर बाहिरिएका पोखरेलले भने।
नेकपाका ओली र प्रचण्ड नेपाल समूहलाई आयोगले आधिकारिकता दिएको छैन। आयोगले पार्टी स्थापना गर्दाको ४४१ सदस्यीय केन्द्रीय समिति भएकोलाई मान्यता दिएको र त्यसपछि थपेका केन्द्रीय सदस्यलाई मान्यता दिएको छैन ।
आयोगले निर्वाचन आचारसंहिताबारे १४ दलका सहभागी नेताहरुसंग गरेको हो। आयोगमा नेकपाबाट ओली समूहका नेता बाबुराम शर्मा दाहाल र प्रचण्ड-नेपालबाट पोखरेल सहभागी छन् भने कांग्रेसबाट आनन्दप्रसाद ढुंगाना सहभागी छन्।
