डडेल्धुरा । डडेल्धुराको परशुराम नगरपालिकाको कार्यपालिका बैठकमा प्रमुख प्रशासकीय अधिकृतमाथि हातपात भएको छ ।
बैठकमा प्रमुख प्रशासकीय अधिकृत कृष्णदेव जोशीमाथि कुटपिट भएको जिल्ला प्रहरी कार्यालय डडेल्धुराले जानकारी दिएको छ ।
बजेट संशोधन गर्नेसहित १३ एजेन्डामाथि छलफल गर्न बोलाईएको बैठकमा आक्रोशित सदस्यहरूले कुर्सी तोडफोड गर्दै अधिकृतमाथि हातपात गरेका थिए । कुटपिटबाट घाइते भएका अधिकृत जोशीको जोगबुढा अस्पतालमा उपचार भइरहेको छ ।
घटनाबारे आवश्यक अनुसन्धान भइरहेको प्रहरीले जनाएको छ ।
