काठमाडौँ । प्रहरीले त्रिभुवन अन्तर्राष्ट्रिय विमानस्थलबाट अवैध सुनसहित एक जना पक्राउ गरेको छ । पक्राउ पर्नेमा प्युठान ऐरावती गाउँपालिका-६ घर भएकी २८ वर्षीया संगीता परियार रहेकी छन् ।
सोमबार फ्लाई दुवईको उडानमार्फत काठमाडौँ आएकी उनलाई चेकजाँच गर्ने क्रममा भन्सार छली गरी लैजान लागेको अवस्थामा २ सय १० ग्राम तौल भएको विभिन्न गरगहनासहित पक्राउ गरेको हो ।
प्रहरीले उनको साथबाट सिक्री १ थान, ब्रासलेट १ थान, औंठी ३ थान, रानीहार १ थान, मिनिहार १ थान, मंगलसुत्र २ थान, कानमा लगाउने झुम्का २ जोर र औंठी १ थान बरामत गरेको छ ।
उनलाई आवश्यक अनुसन्धान तथा कारबाहीको लागि भन्सार कार्यालयमा पठाईएको छ ।
