काठमाडौँ । राप्रपा नेपालले आगामी स्थानीय चुनावका लागि ‘तीर’ चिह्न रोजेको छ । निर्वाचन आयोगले उपलब्ध गराएका चिह्नहरुमध्ये राप्रपा नेपालले ‘तीर’ रोजेपछि उसले सो चिह्न पाएको हो । पार्टी अध्यक्ष कमल थापाले आफूले रोजेको चुनाव चिह्न नपाएपछि ‘तीर’ चिन्ह रोज्नुपरेको बुधबार भएको जिल्ला अध्यक्षहरुको भर्चुअल बैठकमा बताए । उनले स्थानीय निकायको निर्वाचनमा धेरैभन्दा धेरै उम्मेदवार उठाउन र तयारीमा जुट्न निर्देशन दिए ।
आज भएको जिल्ला अध्यक्षहरूको भर्चुअल बैठकमा अध्यक्ष कमल थापाले आफूले रोजेको चिन्ह नपाए पछि तीर रोजेको बताए । यसैबीच राप्रपा नेपालका प्रवक्ता सुरेश आचार्यले पार्टीले पाएको चुनाव चिह्न ‘तीर’ को सनातन हिन्दू धर्म, संस्कृति र प्रकृति पूजनमा गहन महत्व रहेको बताएका छन् । उनले आज एक ट्विट गर्दै यो चुनाव चिह्नले सनातन धर्म पुनःस्थापना गर्ने राप्रपा नेपालको कार्यनीतिको कार्यान्वयनमा महत्वपूर्ण रहने विश्वास बढाएको बताए ।
