काठमाडौँ । नेपाली कांग्रेसका सभापति शेरबहादुर देउवाले नेकपा एसका का अध्यक्ष माधवकुमार नेपालसँग भेटघाट गरेका छन् ।
बुधबार बिहान अध्यक्ष नेपालको कोटेश्वरस्थित निवास पुगेर सभापति देउवाले सहकार्यको प्रस्ताव राखेका बताईएको छ ।
देउवाले आगामी दिनमा पनि सहकार्यको प्रस्ताव गरेका एकीकृत समाजवादीका एक नेताले बताए । अध्यक्ष नेपालले पनि सहकार्यबारे सचिवालयको बैठकमा राख्ने कुरा गरेका उनले बताए ।
भेटवार्तामा सहभागी कांग्रेस प्रमुख सचेतक रमेश लेखकले पछिल्लो राजनीतिक घटनाक्रमका बारेमा केन्द्रित रहेर कुरा गरिएको बताए।
यसअघि मंगलबार अध्यक्ष नेपाललाई नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्ड र एमालेका अध्यक्ष केपी शर्मा ओलीले पनि भेटेर सहकार्यको प्रस्ताव राखेका थिए ।
