काठमाडौँ । नेकपा एकीकृत समाजवादीले प्रधानमन्त्री पुष्पकमल दाहाल प्रचण्डले अप्रत्यासित कदम चालेको बताएको छ ।
कांग्रेससहितको गठबन्धन तोडेर एमालेससहितको नयाँ गठबन्धन बनेपछि नेकपा एसले यस्तो बताएको हो ।
सोमबार बसेको एकीकृत समाजवादीको सचिवालय बैठकपछि उपमहासचिव जगन्नाथ खतिवडाले प्रधानमन्त्रीले चालेको नयाँ कदम आफ्ना लागि अप्रत्यासित भएको बताए । उनले भने, ‘प्रधानमन्त्रीले चालेको कदम अप्रत्यासित हो । प्रधानमन्त्रीले लिएका उदेश्य, निर्णय र प्रक्रिया सार्वजनिक भएपछिमात्र नेकपा एकीकृत समाजवादीले आफ्नो दृष्टिकोण तय गर्छ ।’
साथै, पार्टीले आफ्ना मन्त्रीहरुलाई नयाँ मन्त्री आउनुअघि नै मन्त्रालयमा गएर विदा हुन निर्देशन दिएको छ ।
