• १० श्रावण २०८१, बिहीबार
  •      Thu Jul 25 2024
  •   Unicode
Logo

गठबन्धनको एकमात्र एजेण्डा एमालेको बदनाम गर्नु: अध्यक्ष ओली



काठमाडौँ । नेकपा (एमाले)का अध्यक्ष केपी शर्मा ओलीले गठबन्धनको एकमात्र एजेण्डा एमालेको बदनाम गर्ने मात्र रहेको बताएका छन् । मंगलबार एमाले केन्द्रीय कमिटी बैठकलाई सम्बोधन गर्दै अध्यक्ष ओलीले यस्तो बताएका हुन् ।

अध्यक्ष ओलीले गठबन्धन पूर्णत असफल भएको दाबी समेत गरे । उनले भने, ‘गठबन्धन राष्ट्रियताप्रति कमजोर, सुशासन प्रति कमजोर छ । विकासप्रति चासो छैन । चालु आयोजना बन्द छन् । अहिलेको गठबन्धनको उद्देश्य नेकपा एमालेको विरोध हो । एमालेलाई बदनाम गराउने एउटामात्रै गठबन्धनको एजेण्डा हो’ ।

अध्यक्ष ओलीले गत निर्वाचनपछि गठबन्धनको चरित्र बदल्न एमालेले पहल गरेपनि माओवादी केन्द्रका अध्यक्ष प्रचण्ड इमानमा अड्न नसक्दा एमालेसँगको गठबन्धन भत्कन पुगेको बताए ।

उनले २०५८ सालमै राजतन्त्रको अन्त्य भएपछि केही मानिस फेरि राजतन्त्र ल्याउन तम्सिनुमा सत्ता गठबन्धनको असफलता कारक रहेको बताए । ‘,उनले भने, ‘गठबन्धनको क्षमता नहुनु एउटा कुरा हो । तर जानीबुझी अर्को अपराध एमालेलाई होचो देखाएर जालीझेली प्रचार चलाए । यस गठबन्धनले भित्रभित्र साम्प्रदायिक विद्वेष र पहिचानका नाममा अराजकता मच्चाएका छन् ।’