• ७ श्रावण २०८१, सोमबार
  •      Mon Jul 22 2024
  •   Unicode
Logo
Latest
★   कम्युनिष्ट पार्टीका संस्थापक महासचिव पुष्पलालको ४६ औं स्मृति दिवस मनाईदै ★   प्रतिनिधिसभा बैठक बस्दै : प्रधानमन्त्रीसँग सांसदको प्रश्नोत्तर ★   काठमाडौंमा भारी वर्षा, तटीय क्षेत्रमा सतर्कता अपनाउन आह्वान ★   अवरुद्ध बेनी–दरबाङ सडक दश दिनपछि खुल्यो ★   मधेश र कर्णालीबाहेकका प्रदेशमा आज भारी वर्षाको सम्भावना ★   चौतर्फी दबाबपछि अमेरिकी राष्ट्रपति दौडबाट पछि हटे बाइडेन, कमला ह्यारिसलाई समर्थन ★   एसिसी महिला एसिया कप: पाकिस्तानसँग नेपाल नौ विकेटले पराजित ★   काठमाडौंमा चिनियाँ जनमुक्ति सेनाको ९७ औं स्थापना दिवस ★   गुरूप्रति श्रद्धाभाव प्रकट गर्दै मनाइयो गुरू पूर्णिमा ★   ‘नयाँ सरकारले जनताको आशालाई विश्वासमा परिणत गर्नसक्छ’

भारतसँगको हारपछि बेन स्टोक्सले भने – ‘अम्पायर कल’लाई हटाउनुपर्छ



एजेन्सी । भारतविरुद्धको तेस्रो टेस्टमा पराजयपछि इंग्ल्यान्डका कप्तान बेन स्टोक्सले डिसिजन रिभ्यु सिस्टम (डीआरएस)बाट अम्पायरको कल हटाउन माग गरेका छन् ।

तेस्रो टेस्टको दोस्रो इनिङ्समा ज्याक क्राउलीलाई एलबीडब्लू आउट गर्ने निर्णयले स्टोक्स निराश भएका थिए । यसै कारण उनले डीआरएस नियम परिवर्तन गर्न माग गरेका छन् ।

राजकोटमा भएको यो खेलमा भारतीय टोलीले कीर्तिमानी ४३४ रनले जित निकाल्दै ५ खेलको शृङ्खलामा २–१ को अग्रता लिएको छ । चौथो खेल २३ फेब्रुअरीबाट राँचीमा हुनेछ ।

खेलपछि स्टोक्स र इंग्ल्याण्डका प्रशिक्षक ब्रेन्डन म्याकुलम म्याच रेफ्री जेफ क्रोसँग कुरा गरिरहेको देखियो ।

स्टोक्सले भने, ‘रिप्लेमा बल स्टम्पभन्दा बाहिर निस्किरहेको थियो । यस्तो अवस्थामा जब अम्पायरको कलको निर्णय आयो, हामी अलिकति छक्क पर्यौं । त्यसोभए हामीले हक–आइका मानिसहरूबाट स्पष्टता चाहन्थ्यौं । त्यसमा रेफ्रीले संख्याका आधारमा बल स्टम्पमा लाग्ने पक्का भए पनि प्रक्षेपण गलत भएको बताए । मलाई थाहा छैन यसको अर्थ के हो । यसका लागि मैले कसैलाई दोष लगाएको होइन । मलाई थाहा छैन के भइरहेको छ ?’

राजकोट टेस्टमा इंग्ल्याण्डका ओपनर ज्याक क्राउली एलबीडब्लु भएका थिए । जसप्रित बुमराहले उनलाई ९औं ओभरको दोस्रो बलमा प्याभिलियन पठाए । क्राउलीले २६ बलमा ११ रन बनाउन सके ।